告別式家祭舅媽禱告詞(台語)

鄭國揚教授
告別式家祭開始舅媽禱告詞(台語)


創造宇宙萬物、人類的上帝，阮要感謝祢，佇祢的聖旨意及攝理下，使阮聚集作伙，為著阮所敬疼的至親、祢的子兒國揚舉行告別式。懇求上帝的大靈降臨帶領、自頭到尾平安順利，願所有來參加追思的親人朋友，攏得著祢的賜福。國揚一生領受主祢特別的恩賜－賜他聰明智慧，特別啲電腦科技方面的發揮才能，他有教導多多的優秀學生，成做社會國家的精英人才、造福人群。主賜國揚精明簡樸、為人忠心正直、豪爽、講話趣味，對父母孝順，對朋友盡忠友善，他的言行舉止是人人所嘔咾。人生旅途若人客，是暫時喲、有喜樂、有苦難；感謝主祢已經褪去國揚人生的重擔、除去病痛、煩惱及艱難，接他返去永安的祖家、安息主懷，佇遐及(蛤)所有疼他的人相見。阮雖然不甘國揚離開阮，總是阮要服從主祢的旨意，拭去所有的目屎，暫時分開，希望將來啲天國閣再相見。


願一切榮耀歸佇上帝，願平安賜福給敬畏祢的人！


按呢祈禱、是奉靠主聖名，阿們！